18 katao arestado sa QC drug den

UMABOT sa 18 katao ang naaresto nang salakayin ng mga operatiba ng Quezon City Police District-Anti Illegal Drug-Special Operation Task Group (QCPD-AIDSOTG) ang isang hinihinalang drug den sa Brgy. Pasong Tamo sa lungsod na ito kamakalawa.

Sa ulat ni Chief Insp. Enrico Figueroa, hepe ng task group, kay Chief Supt. Edgardo Tinio, QCPD director, kinilala ang mga nadakip na sina Jolito Eleccion, 33; Cario Escuerdo, 26; Joan Dionco, 35; Niño Marco Aceron, 32; Ivor Joshua Bocar, 31; Bien Michael Riva, 34; Kanong Hernandez, 32; John Paul Fowler, 22; Michael Orbeta, 38; Emmanuel Soriano, 33; Ralph Ignacio, 21; George Montano, 27; Michelle Ignacio, 33; Vivian Garcia, 40; Araceli Canoy, 33; Jessa Garcia, 18; Mary Grace Artates, 18; at Lina Ignacio, 54-anyos.

Ayon kay Figueroa, umaabot sa 59 pirasong plastic sachet ng shabu, shabu paraphernalia at P15,000 cash ang nakompiska sa nasabing operasyon.