HATAW! D'yaryo ng Bayan hatawtabloid.com
MAPAPANOOD na sa U.S., Canada, Middle East, Europe, Asia, Australia, at New Zealand ang pinakaaabangang pelikula ng Star for All Seasons na si Gov. Vilma Santos at ng award-winning box office royalty na si Angel Locsin na Everything About Her mula sa Star Ci-nema at TFC@theMovies.
Kasama rin sa pelikula si Xian Lim sa kanyang kauna-unahang dramatic role sa labas ng blockbuster love team na KimXi kasama si Kim Chiu. Mahusay ang pagganap ni Xian bilang si Albert at nakipagsabayan siya sa dalawang mahuhusay na aktres.
Markado bilang grade A ng Cinema Evaluation Board, ang pelikula ay ukol sa dalawang babaeng magkaiba ang pananaw at pag-uugali. Si Gov. Vi ay si Vivian, isang powerful woman na nagkaroon ng cancer. Si Angel naman si Jaica, isang nurse na inatasang mag-alaga kay Vivian at ikubli ang kanyang sakit.
Magkahalong tuwa at lungkot ang hatid ng pelikula lalo na nang hilingin ni Vivian na iuwi ang anak na si Albert (Xian Lim), sa pagnanais na mabuo muli ang kanilang estranged relationship.
Tapos na itong ipalabas sa US noong January 29 at January 31 sa France, Italy, Malta, at Greece; ang Everything About Her ay mapapanood sa February 4 sa United Arab Emirates, Qatar, Bahrain, Oman at Kuwait; February 5 sa Canada; February 6 sa Austria, at United Kingdom; February 7 sa Spain; February 11 sa Australia at New Zealand; February 12 sa Saipan at February 21 sa Singapore.
ALAM MO NA! – Nonie V. Nicasio
