Korina, isa sa mga inspirasyon ni Pia

GULAT na gulat ang beteranang broadcast journalist na si Korina Sanchez-Roxas nang eksklusibo niyang makapanayam ang Miss Universe 2015 na si Pia Alzonzo Wurtzbach sa New York City kamakailan.

Matatandaang isa si Korina sa mga nag-workshop sa mga Binibining Pilipinas candidates noong 2013 na first runner-up pa lamang si Pia. Tinuruan ni Korina ang mga kandidata kung paano sila sumagot sa interview o question and answer portion sa mga international pageants na kanilang sasalihan.

Matapos ang workshop, nagpa-autograph si Pia kay Koring. Ang isinulat ni Korina sa notebook ni Pia ay, ”Dear Pia, Love, laugh, and courage, love Korina.”

Hindi inakala ni Korina na itinago pala ‘yun ni Pia at dinala pa ang notebook na may autograph ni Korina sa Las Vegas nang lumaban at nagwagi sa Miss Universe beauty pageant.

Ipinakita ni Pia ang nasabing autograph kay Korina noong sumakay ang award-winning host ng Rated K sa limousine service ng ating Miss Universe.

Ayon kay Pia, ang sinabi ng misis ni Mar Roxas sa autograph ang isa sa mga nagsilbing inspirasyon para huwag bitawan ang kanyang pangarap na maiuwi ang korona ng Miss Universe sa ating bansa.

“Hinding hindi ko makalilimutan ang mga natutuhan ko kay Ms. Korina at isa siya sa aking mga inspirasyon,” ayon kay Pia.

Uuwi ngayong araw na ito, Enero 23 si Pia para sa pinakahihintay na engrandeng homecoming ng Miss Universe 2015.

SHOWBIZ KONEK – Maricris Valdez Nicasio