HATAW! D'yaryo ng Bayan hatawtabloid.com
LAHAT ay may pag-asa at dapat maging masaya sa pag-ibig. Ito ang ipinararating na mensahe ng pinakabagong handog ng Regal Entertainment, Inc., ang Love Is Blind na mapapanood na sa Pebrero 10 at pinagbibidahan nina Derek Ramsay, Solenn Heussaff, Kean Cipriano, at Kiray Celis.
Kuwento ng isang spoiled bachelor na si Wade (Derek) ang LIB, na tinalikuran ang GF na si Maggie (Solenn) nang makilala si Fe (Kiray), isang hotel intern na kamukhang-kamukha ng ex-GF. Lingin sa kaalaman ni Wade, pinainom siya ni Fe ng love potion/gayuma. Kaya naman sa tuwing makikita ni Wade si Fe, ang mukha ni Maggie ang nakikita pero mas maharot at malandi nga lang sa dating dyowa. Kaya non-stop na rambulan sa katatawanan at riot ang mga eksena sa tuwing nilalandi ni Fe si Wade bilang si Maggie.
Kaya hindi na kataka-taka kung umabot agad sa loob lamang ng isang linggo sa 1-M ang views at likes ng full trailer nito nang i-launch ng Regal. Dinagsa rin ito ng papuri ng mga netizen.
Ang Love Is Blind ay unang pagsasama ng ex-lovers na sina Derek at Solenn.
Abangan ang cast ng Love Is Blind sa kanilang mall tours simula sa Enero 30 sa Starmall, Alabang, 5:00 p.m.; January 31, Starmall, Bulacan, at Ayala Fairview Terraces; February 6 sa Starmall Cebu, at February 7 naman sa Market Market.
Panoorin din ang trailer sa Regal Films Official Youtube Channel, I follow ang kanilang official social media accounts Facebook www.facebook.com/RegalEntertainmentInc, Twitter @regalfilms, at Instagram @regalfilms50 para sa karagdagang updates. Tiyak na sa trailer pa lang tatawa na kayo.
SHOWBIZ KONEK – Maricris Valdez Nicasio
