HATAW! D'yaryo ng Bayan hatawtabloid.com
HINDI naitago ng pangulo ng Samahang Basketbol ng Pilipinas na si Manny V. Pangilinan ang kanyang kasiyahan pagkatapos na makuha ng ating bansa ang karapatang idaos ang isa sa tatlong wildcard qualifiers para sa men’s basketball ng Rio Olympics.
Bukod sa Pilipinas, gagawin din sa Serbia at Italya ang dalawa pang torneong sabay na gagawin mula Hulyo 4 hanggang 10 kung saan tig-anim na bansa ang maglalaban para sa tatlong huling puwesto sa Rio.
“Happy for Pinas. Happy for our people,” pahayag ni Pangilinan sa isang text na mensahe sa lahat ng mga media outlets noong Martes ng gabi. “God bless Gilas, God bless our country,” said the businessman-sportsman. “Doing it for the love of the sport and our millions of Pinoy basketball fans worldwide.”
Sisikapin ng Gilas Pilipinas na makapasok sa Olympics sa unang pagkakataon mula pa noong 1972.
Ayon naman kay Gilas team manager Butch Antonio, magtatrabaho na kaagad ang SBP para maging matagumpay ang pagdaos ng Olympic qualifying tournament sa Mall of Asia Arena sa Pasay.
“Winning it (pagiging host) is one thing, putting our act together and putting things in order is another thing. We have to make sure that when we host, we have the best hosting, of the three pa nga if possible,” ani Antonio. “It’s time to show we’re capable. Let’s savor this achievement. It just shows that the Philippines is definitely on the FIBA map, we’re now a regular fixture.”
Gagawin ang drawing of lots para sa mga bansang kasali sa tatlong wildcard na torneo sa Enero 26.
( James Ty III )
