Heart, magkakaroon muli ng exhibit sa Ayala Museum

SASABAK agad si Heart Evangelista sa pagpipinta para sa nalalapit niyang exhibit sa Ayala Museum. Kababalik pa lang ni Heart kasama ang kanyang mister na si Sen. Chiz Escudero mula Japan, pero heto’t trabaho agad ang aktres.

Kinokompleto kasi ni Heart ang kanyang mga artwork na idi-display sa tanyag na museo mula Enero 30 hanggang Pebrero 9.

Ani Heart, malaki ang pasasalamat niya kay Chiz dahil napaka-supportive nito sa kanyang hilig.

“He’s very supportive! He’s up with me while I paint so he started painting too. I (also) like that he’s not the type of person who’s always on the phone. When he goes home, he’s a normal guy,” giit ni Heart sa isang panayam sa kanyang home studio sa GMA 7.

Sinabi naman ni Chiz na ang pagpipinta para sa kanya ay nagsisilbing bonding nilang mag-asawa kahit aminado itong wala siyang masyadong alam sa ganitong uri ng sining ‘di tulad ng kanyang kabiyak.

Kaya naman puro abstract na lang ang tema ng ipinipinta ni Chiz, anang senador.

“Kung hindi mo kayang mag-drowing ng maganda, i-abstract mo na lang,” natatawang sambit pa ng senador.

SHOWBIZ KONEK – Maricris Valdez Nicasio