HATAW! D'yaryo ng Bayan hatawtabloid.com
ISANG bold and daring decision ang pagsamahin sa isang teleserye sina Janice de Belen at Priscilla Mereilles. Si Janice ang past ni John Estrada at si Priscilla ang present at pinakasalan ni John.
Maraming eksena ang dalawa sa bagong teleserye ng ABS-CBN, ang Be My Lady na magsisimula na sa January 18.
Sa presscon ng teleserye, hindi nagpatalbog si Janice kay Priscilla. Super sexy siya sa suot niyang short off-shoulder dress.
Sabi ni Janice, noong first take nila, marami raw ang nakikiramdam sa kanila lalo na ang staff. Pero civil naman sila at trabaho lang, walang personalan. At saka matagal nang panahon na naka-move-on si Janice sa hiwalayan nila ni John.
Si Priscilla naman ay all praises kay Janice sa pagiging magaling na aktres.
Priscilla Estrada na ang gamit-gamit ngayon ng kauna-unahang Miss Earth.
Aniya, kasal siya kay John, may respeto siya sa apelyido ng kanyang asawa kaya ito ang kanyang ginagamit.
Naikuwento rin ni Priscilla na ang Mereilles ay hindi apelyido ng kanyang tatay, kundi ng kanyang ina. Nag-divorce ang kanyang mga magulang noong bata pa siya. Hindi na ginamit ni Priscilla ang apelyido ng kanyang ama na de Almedalalo na noong pumirmi na siya sa ‘Pinas at nag-showbiz na dahil may nagsabi raw sa kanya na may dating artista (sexy star) na ang pangalan ay Priscilla Almeda.
Oo nga naman.
Anyway, ang pagiging civil nina Janice at Priscilla (and hopefully, baka maging mag-best friend pa sila in the long run) ay magandang indikasyon at magre-reflect ito sa Be My Lady na kuwento tungkol sa interracial relationship na ang mga bida ay sina Erich Gonzales at Daniel Matsunaga.
Sina Priscilla at John ay isang halimbawa ng interracial marriage.
Ang maganda pa sa teleseryeng ito, real-life couple (Erich and Daniel) ang main artists pero ayon sa director nito, na-conceptualized ang teleserye, hindi pa magsyota ang dalawa.
Kasama rin sina RK Bagatsing , Yayo Aguila, Almira Muhlach, Yves Flores, Karen Dematera, MJ Cayabyab, Devon Seron, Karen Reyes, Mike Lloren, Ana Abad Santos, Perry Escano, Marife Necesito, at ang comedy trio na No Direction na idinirehe ni Theodore Boborol sa ilalim ng produksiyon ng business unit head na pinamumunuan ni Ruel Bayani kasama ang production manager na si Mavic Holgado-Oducayen at creative manager na si Mel Mendoza del Rosario.
MAKATAS – Timmy Basil
