HATAW! D'yaryo ng Bayan hatawtabloid.com
HINDI nakisama ang panahon noong December 31, ilang oras kasi bago namaalam ang 2015 ay bumuhos ang manaka-nakang ulan.
Lalo pang lumakas ang ulan late night hanggang pasadong hatinggabi kaya naman nagmistulang mga basing sisiw ang mga taong nanood ng countdown to 2016 ng GMA sa open grounds ng SM Mall of Asia.
Kuwento ito ng aming mismong kapatid at bayaw makaraang ihatid kami pauwi ng Pasay City mula sa Molino, Cavite. On their way back home ay bumulaga sa kanila ang laksa-laksang stranded sa kalsada sa kasagsagan ng ulan.
Kabilang doon ang mga batang karay-karay ng kanilang mga magulang, all drenched.
Dahil sa awa, isinakay ng aming kapatid sa kanilang sasakyan ang dalawang batch ng mga stranded, isang gupo rito ay mga kapatid nating Muslim sa Taguig City.
Ayon sa grupo, first time nilang manood ng naturang year-end program. At hindi na raw mauulit ‘yon.
Taon-taon naman kasi—umulan man o hindi—pamilyar na ang tanawing nagkalat sa mga kalye ang mga galing ng MOA para sa countdown ng GMA.
Moral lesson: sa TV na lang sa bahay manood sa susunod na taon!
HOT, AW! – Ronnie Carrasco III
