HATAW! D'yaryo ng Bayan hatawtabloid.com
FRESH from the successful telecast ng Season 2 ng Your Face Sounds Familiar (na itinanghal na grand winner si Denise Laurel na tumalo kay Michael Pangilinan), ang nagsilbing main attraction ng pa-Christmas party ng ABS-CBN para sa entertainment media—dubbed as Thank You For the Love—ay ang Your Press Sounds Familiar.
Isa sa mga nagsilbing hurado ay ang mismong YFSF judge at world-class singer na si Jed Madela. At isa sa limang kalahok sa nasabing patimpalak ay ang Hataw columnist na si Alex Brosas who mimicked Imelda Papin.
Tulad ng nakagawian sa YFSF, pagkatapos ng bawat performance ay isa-isang nagbibigay ng komento ang mga bumubuo ng panel.
Natawa kami kay Jed nang susugan niya ang host sa pagsasabi na kapag nagpe-perform daw si Imelda ay, “Parang wala lang…parang bangag.” Pabirong sey ni Jed, “Oo, parang bangag lang kapag kumakanta si Imelda.”
Nagtawanan ng audience sa loob ng Dolphy Theatre.
For sure, kapag nabasa ito ng tinaguriang Sentimental Songstress ay ikaaaliw lang niya ang komento ni Jed, kung paanong nakaaaliw din—kundi man nakaiintriga—ang mga tsismis na ikinakabit sa balladeer na paboritong i-blind item ng mga manunulat.
HOT, AW! – Ronnie Carrasco III
