Ian Veneracion, itinangging nagseselos ang misis kay Jodi!

ITINUTURING ni Ian Veneracion na isang malaking blessing sa kanyaang taong 2015, lalo na ang pagiging bahagi niya ng top rating TV series ng Dos na Pangako Sa ‘Yo. Hindi raw niya ine-expect na magiging ganito kalakas ang suporta ng fans sa kanilang tandem ni Jodi Sta. Maria.

“I’m grateful and thankful for all the blessings of 2015. Hindi ko in-expect. For example, ‘yung Pangako, akala namin ni Jodi, nandoon kami to support KathNiel tapos natutuwa kami, tumataba ang puso namin na may sumusubaybay din pala ng storya ng part namin.

“Nakakatuwa. Napaka-supportive din naman nila Daniel and Kathyrn,” saad ng aktor.

Aminado rin si Ian na komportable na sila ni Jodi sa isa’t isa kaya maganda ang chemistry nilang dalawa.

“Aside from komportable kami sa isa’t isa, in between takes, marami kaming jokes, so minsan napupunta na yun sa eksena. Kapag may dialogue kami, parang ang kapal na ng ibig sabihin ng mga sinasabi namin.

“Siguro another reason kung bakit nag-e-enjoy yung iba na panoorin, kasi alam naman nila na in real life, wala, we’re just being professional. I have a family, I’m married. Alam nila na parang may sexual tension, may forbidden love, baka yun, they find it interesting,” saad pa niya na binanggit din na natural na natural daw ang chemistry nila ni Jodi.

Pagdating naman sa selos factor sa kanyang asawa, sinabi ni Ian na hindi uso sa kanila ito ng kanyang misis.

“Alam naman niya that I am professional pagdating sa trabaho. Si Jodi is very professional. Kilala niya rin si Jodi. Alam niya na magkaibigan kami ni Jodi.

“Kaya naman hindi ako nali-link ever since sa mga leading lady sa showbiz, kasi gusto ko iyong ganoon, to be professional. Even yung kissing scenes, the last thing I want is sabihin na nag-take advantage.

“Gusto ko talaga iyong malinis. You know, ‘yung reputation ko as an actor sa ganoong bagay. Alam ng wife ko iyon. So, walang ganoon, hindi nagseselos iyon.”

ALAM MO NA! – Nonie V. Nicasio