HATAW! D'yaryo ng Bayan hatawtabloid.com
PATULOY sa paghakot ng parangal ang multi-awarded actor na si Allen Dizon. Kamakailan ay muling kinilala ang Kapampangan actor sa Indie Bravo Awards ng Philippine Daily Inquirer sa kanyang mahusay na pagganap sa indie movie na Magkakabaung na pinamahalaan ni Direk Jason Paul Laxamana.
Nadagdagan na naman ang tropeo ni Allen at kung hindi ako nagkakamali ay ika-sampu na ito ng astig na talent ni Dennis Evangelista.
Anyway, katatapos lang gawin ni Allen ang dalawang pelikula mula BG Productions International ni Ms. Baby Go. Ito’y ang Sekyu ni Direk Joel Lamangan at Iaadya Mo Kami (Deliver Us) ni Direk Mel Chionglo.
Bukod dito, tampok din si Allen sa mga pelikulang Walang Katapusang EDSA ni Direk Alvin Yapan at ang Lando at Bugoy na entry sa Cinemalaya 2016 ni Direk Vic Acedillo Jr..
Kaya hindi kami magtataka kung hahakot na naman si Allen ng acting awards next year.
Incidentally, bukod kay Allen, tampok sa Sekyu sina Sunshine Dizon, Melai Cantiveros, Kiko Matos, Jaime Pebanco, Rez Cortez, Raquel Villavicencio, at marami pang iba. Sa Iadya Mo Kami, co stars naman ni Allen dito sina Eddie Garcia, Aiko Melendez, Ricky Davao, at Diana Zubiri.
Sa TV naman, bahagi si Allen ng powerful casts na Doble Kara ng ABS CBN na pinagbibidahan ni Julia Montes.
ALAM MO NA – Nonie V. Nicasio
