Marlo, malungkot na masaya sa pagbuwag ng loveteam nila ni Janella

AMINADO si Marlo Mortel na mami-mis niya ang pagiging makulit niJanella Salvador kapag sinimulan na ng dalaga ang taping ng bagong teleserye na pagsasamahan nila ng bago niyang kaparehang si Elmo Magalona.

Malungkot man ay inihanda na rin ni Marlo ang sarili sa planong pagbuwag ng kanilang loveteam ni Janella. Sinabihan naman daw kasi siya sa mangyayaring pagbuwag sa kanilang loveteam. ”Ako, inihanda ko na ang sarili ko simula pa lang noong nag-enter ako sa showbiz. May mga ganyang times na kung ano ang gusto mo, hindi ‘yun ang mangyayari. Management’s decision na i-partner silang dalawa so, wala naman akong magagawa roon!,” paliwanag ni Marlo sa presscon ng Regal’s MMFF entry na Haunted Mansion.

Masaya naman si Marlo sa development ng career ni Janella na nagsabing, ”Mami-miss ko ‘yung friendship namin. F­eeling ko naman ‘di mawawala ‘yon. At saka hindi naman siguro ito ang last team up namin. Malay mo in the nearest future eh, mag-partner uli kaming dalawa!”

Samantala, malaki naman ang tiwala ni Mother Lily Monteverde na maganda ang magiging laban ng Haunted Mansion sa December 25.”Marami ang nagtatanong, bakit hindi Shake, Rattle and Roll ang entry ni Mother? It’s because I believe so much ni Haunted Mansion. I believe so much in my newest babies—Janella, Marlo and Jerome (Ponce).”

Kami man ay naniniwalang maganda ang magiging laban ng Haunted Mansion sa 2015 MMFF dahil ito ang bukod tanging horror film. At sabi nga ng nakararami, basta horror, number one riyan ang Regal. ‘Yun na!

SHOWBIZ KONEK – Maricris Valdez Nicasio