HATAW! D'yaryo ng Bayan hatawtabloid.com
Kahit na wala sa posisyon ang nagbabalik na mayoral candidate sa lungsod ng Maynila na si dating Mayor Alfredo Lim ay hindi naman siya tumitigil sa pagtulong sa kanyang mga kababayan.
Actually mas marami pa ngang nagagawa si Lim kompara sa ibang mga nakaupo diyan sa puwesto. Kaya mahal na mahal si Lim, ng kanyang constituents especially ng mga lolo’t lola na lehetimong residente ng Maynila kasi una sila sa mga tinutulungan niya.
Ilang unit na ng libreng wheelchair ang naipamahagi ng beteranong gov’t official sa kanila na malaking tulong lalo sa mga may sakit sa kidney at liver na hindi na kayang tumayo pang mag-isa. Maging ang batang ipinanganak na maysakit at biktima ng stroke sa Baseco ay pinagkalooban rin ng dating alkalde ng wheelchair galing sa kanyang sariling bulsa.
Tumatakbo ngayon sa ilalim ng Liberal Party si Lim.
Samantala sa okasyon ng Bangsamoro Overseas Filipino Workers Organization (BOFWO), nangako ng kanilang suporta na “bantay boto” sa kandidatura ng dating alkalde. Naghiyawan ang lahat sa binitiwang speech ni Lim, na ibabalik niya ang libreng serbisyo medikal sa lungsod.
Nagbubunyi ang lahat ng mga supporter ngayon ng butihing politician dahil number 1 siya sa survey sa mga tumatakbong alkalde para sa May 2016 elections.
VONGGANG CHIKA! – Peter Ledesma
