Ex-lover ng GF, binoga ng businessman (Nahuling magkasiping)

PATAY noon din ang isang call center agent makaraang barilin ng lalaking kasalukuyang live-in partner ng dating ka-sintahan sa Quezon City kahapon ng madaling-araw.

Sa ulat ng Quezon City Police District-Cri-minal Investigation and Detection Unit (QCPD-CIDU), kinilala ang biktimang si Davy Lan Joseph Aguelo, 44, call center agent, residente ng 5/2 LTJ Francisco St., Brgy. Krus na Ligas, Quezon City.

Habang mabilis na tumakas ang suspek na si Paul Ryan Andre Aquino, 33, may asawa, negos-yante at residente ng 154 L. Nadurata St., 10th Ave., Grace Park, Caloocan City.

Sa imbestigasyon, dakong 3 a.m., nadatnan ni Aquino si Aguelo na na-tutulog sa kuwarto katabi ang kanyang live-in partner na dating kinakasama ng biktima, sa inuupahan nilang bahay sa Block 4, Lot 23, Mt. Apo St.,  Cresta Verde, Brgy. Sta. Monica, Quezon City.

Bunsod nito, bumunot ng baril si Aquino at pinagbabaril si Aguelo habang ang babae ay kanyang pinalo ng baril sa mukha.

Pagkaraan ay mabilis na tumakas ang suspek lulan ng itim na Mitsu-bishi Montero.