Gabby, iginiit na si Jake ang ‘ama’ ng anak ni Andi

IGINIIT ni Gabby Eigenmann na si Jake Ejercito ang “tatay” ng anak ni Andi Eigenmann na si Ellie. Sinabi ito ng actor sa pa-Christmas party ngPPL Entertainment Inc., na pinamumunuan ni Perry Lansingan sa entertainment press.

“I agree noong sinabi niyang si Jake ang ama ni Elli. The way that Jake showed the family, na kung anuman ang pinagdaanan ni Andi noong nabuntis siya, hanggang sa manganak siya, Jake was there to support all the way,” sambit ni Gabby

Sabi ni Gabby, sobra-sobra ang suportang ibinibigay ni Jake kay Andi kaya naman kung siya ang tatanungin, talagang very vocal  siya sa pagsasabing ang binata ang gusto niya para sa kanyang kapatid.

Ukol naman sa balitang may bagong boyfriend si Andi, hindi ito makompirma ng actor dahil wala naman siyang nakikita pa. Basta lagi niyang pinagsasabihan ang kapatid at pinaaalalahanan.

Sa PPL Christmas party, dumalo ang halos karamihang alaga nila tulad nina Jolina Magdangal, Rochelle Pangilinan, Carl Guevarra, LJ Reyes, Carlo Gonzalez, Max Collins,at Wendell Ramos. Wala ang prime artist ng PPL na si Dingdong Dantes dahil nasa Paris ito.

SHOWBIZ KONEK – Maricris Valdez Nicaiso