Kathryn, lantaran ang pag-endoso kay Mar; Robin, si Duterte ang susuportahan

AFTER much guessing game kung sino ang kanilang minamanok sa hanay ng mga presidentiable, finally ay lantaran na ang pag-eendoso ng tambalang KathNiel sa kandidatura ni Mar Roxas.

Kalat na nga ang mga larawan ng mag-asawang Mar at Korina Sanchez sa social media with Daniel Padilla and Kathryn Bernardo all dressed in yellow na animo’y anibersaryo ng Edsa Shrine!

Kaya ang tanong tuloy: bilang miyembro ng INC (Iglesia Ni Cristo), hindi ba’t mahigpit na tagubilin sa Kapatiran na bawal ang lantarang pag-eendoso sa isang kandidato sa panahon ng pangangampanya?

Nagkataong naabutan naming in-studio guest ng programang Cristy Feminute nina Crity Fermin at Richard Pinlac sa Radyo 5 si Gladys Reyes, also an INC member.

Naitanong tuloy sa mahusay na aktres kung may alam ba siya roon. “Sa totoo lang, Nanay Cristy, wala po akong alam. As in hindi ko po alam kung ano ang status ngayon ni Kathryn sa INC.”

Lalo pang ikinagulat ni Gladys nang sabihin ni Cristy on air na hawak niya ang eksaktong pigura kung magkano ang bukod na ibinayad sa sikat na loveteam. “Naku, lalo hindi ko po alam ‘yan,” salag ni Gladys.

Samantala, magkasalungat naman ang minamanok ng magtiyuhing sina Robin at Daniel. Ayon kay Robin, kahit libre ay ikakampanya niya si Rodrigo Duterte sa pagka-Pangulo, while Daniel is rooting for Mar.

Hay, politika…who says na pinagkakaisa nito ang kaisipan kahit ng mga magkakadugo?

HOT, AW! – Ronnie Carrasco III