HATAW! D'yaryo ng Bayan hatawtabloid.com
TIYAK na maraming fans ang aalma sa paglabas ng karakter ni Paulo Avelino sa tumitinding kuwento ng hit ABS-CBN primetime teleserye na On The Wings of Love.
Paano’y makakaribal ni James Reid (Clark) sa puso ni Nadine Lustre (Leah) si Paulo na gagampanan ang papel ni Simon, ang bagong boss ni Leah sa advertising firm na kanyang pinagtatrabahuan. Kung nagugulo ang masaya at magandang pagsasama nina Clark at Leah dahil kay Jigs (Albie Casino), ano naman kaya ang gagawin ni Simon? Matinag kaya ang pag-iibigan ng dalawa sa panibagong hamon sa pag-iibigan nila?
Ayon kay Biboy Arboleda, Adprom manager of Dreamscape Entertainment, “Ang karakter ni Paulo ay magbibigay ng panibagong excitement dahil fit ang karakter ni Simon kay Paulo.
“We patterned it after him at nagdagdag kami ng elements kung paano ang mga tao sa advertising industry para magkaroon ng contrast si Simon kay Clark, para mag-blend well siya kay Leah.”
At dahil sa mas kumikilig na takbo ng kuwento, mas nagiging usap-usapan sa social media ang On the Wings of Love na isang consistent trending topic sa Twitter. Maging sa iWant TV, ang On the Wings of Love pa rin ang pinakapinanonood na programa na nakakuha ng 4.4-M total views noong Oktubre.
Samantala, dapat abangan ng mga OTWOLista ang napakaraming sorpresa at merchandise ng On the Wings of Love sa susunod na mga buwan kabilang na ang worldwide Spread the Love Tour.
SHOWBIZ KONEK – Maricris Valdez Nicasio
