HATAW! D'yaryo ng Bayan hatawtabloid.com
WALO na ang mga koponang kasali sa PBA D League 2016 season na magbubukas na sa Enero.
Kinumpirma ng isang source na bagong pasok sa liga ang Phoenix Petroleum na nagtangkang pumasok sa PBA bilang expansion team noong 2011 ngunit ito’y nabulilyaso dahil sa pagpasok ng Petron Blaze na kalaban ng Phoenix sa pagbenta ng gasolina.
Ang Phoenix din ay naging sponsor ng mga out-of-town na laro ng PBA noon.
Halos lahat ng mga manlalaro ng Phoenix ay manggagaling sa Rookie Draft ng D League na gagawin sa Disyembre 1 sa PBA Café sa Metrowalk, Pasig City.
Ang iba pang mga koponang kasali sa D League ay ang Café France, Tanduay Light, AMA University, Racal/Keramix Mixers, Wangs Basketball, UP-QRS/Jam Liner at Mindanao Aguilas.
( James Ty III )
