HATAW! D'yaryo ng Bayan hatawtabloid.com
TUWANG-TUWA pala si Janella Salvador nang malamang magbibida siya sa Regal’s 41st Metro Manila Film Festival entry na Haunted Mansion.
“It was an unexpected project. It came as a surprise,” sambit nito nang makausap namin para sa pocket presscon ng Haunted Mansion na pinamahalaan ni Jun Lana.
Ani Janella, tuwang-tuwa siya nang makompirmang siya nga ang gustong magbida ni Mother Lily at anak na si Roselle Monteverde para sa horror movie na mapapanood na sa December 25. Hindi naman niya itinanggi na mayroong pressured lalo’t ang mga kasabayan niyang pelikula ay pinagbibidahan ng mga malalakas na loveteam tulad ng JaDine, Kimxi, at AlDub.
Pero positibo ang pananaw niya sa Haunted Mansion lalo’t sila lamang ang horror movie na kasali sa MMFF.
Isa pa sa ikinatutuwa ni Janella ay ang pagsama niya sa MMFF Parade of Starsdahil first time rin niya itong gagawin.
First time ring gumawa ng pelikula ni Janella at sa ilalim pa ng Regal. Under contract din pala siya ng Star Cinema at pinayagan naman daw siyang gumawa sa labas.
Nakilala si Janella dahil sa pagganap ng kikay sa Be Careful With My Heart at Oh My G. kaya natanong ito kung ganito rin ba ang karakter na gagampanan niya sa Haunted Mansion. Aniya, malayo, ”Well, ‘yung role ko rito iba kasi simple lang siya na tahimik tapos nakakakita siya ng multo.”
Isang high school student ang gagampanan ni Janella na binu-bully ng mga mean girl dahil isa siyang tahimik na estudyante at madalas nakakakita ng multo kahit bata pa man.
SHOWBIZ KONEK – Maricris Valdez Nicasio
