Kings pinaluhod ang Magic

NANGALABAW si Demarcus Cousins ng 29 puntos at 12 rebounds upang pasanin ang Sacramento Kings kontra Orlando Magic, 97-91 kahapon sa 2015-16 National Basketball Association, (NBA) regular season.

Nag-ambag si Rajon Rondo ng 13 puntos, siyam na assists at pitong rebounds para ilista ang 5-9 karta ng Kings at ilaglag ang Magic sa 6-7 baraha.

Hawak ng Magic ang 65-61 bentahe subalit naglagak ang Kings ng 22-2 sa huling 5:03 minuto sa third quarter para agawin ang manibela, 67-83 papasok sa fourth period.

Nanging maganda ang pagbabalik ni Cousins sa laro matapos mapatawan ng one-game suspension dahil sa paniniko kay Al Horford ng Atlanta Hawks.

May inambag din si Marco Belinelli na 13 puntos habang kumamada pareho ng 12 markers sina Koufus Kosta at Casspi Omri sa Sacramento.

Si Evan Fournier ang nagtala ng maraming puntos para sa Orlando matapos tumikada ng 12 points, apat na boards at tig tatlong assists at steals.

( ARABELA PRINCESS DAWA )