Pamamahiya ni Karen kay Alma, lantaran

PERSONALLY, hindi kami malapit kay Alma Moreno, as there has never been a chance to build friendship.

Magkaiba rin ang siyudad na aming kinabibilangan bagamat magkapitbahay lang ang Paranaque at Pasay. Hence, walang dahilan para suportahan namin ang kanyang karera sa politika.

Pero kung sakaling botante kami ng Paranaque, mauunawaan naman siguro si Alma na malayo namin siyang iboto sa Konseho. Sabihin na nating mas marami ang karapat-dapat sa puwestong ‘yon, but who are we to tell if she’s fit or not, eh, matatapos na nga niya ang kanyang termino?

To top it all, naging national chairperson pa si Alma ng buong liga ng mga konsehal. Marahil, Alma must be discharging her functions to the hilt.

Now that her time is almost over, ang tinatarget na puwesto ni Alma ay isang senatorial seat. Kabilang siya sa UNA na nagsusulong sa presidential bid ni VP Jojo Binay.

We will not dwell on Binay amidst the controversies na kinakaharap nito, mas nakatuon ang aming ipapaksa tungkol kay Alma.

Kamakailan ay bumalandra sa Facebook ang kabuuan ng mahigit 23 minutong panayam ni Karen Davila sa programang Headstart kay Alma. May heading itong sa ikasiyam na minuto and its fraction, the interview got awkward.

Partikular na sinagot ng senatorial bet ang kanyang mga adbokasiyang nais isulong bilang batas. A feminist, Alma is purusing the Magna Carta for women. ”But there’s already a law on that which exists,” panonopla ni Karen sa panauhin.

Sinundan ito ng posisyon ni Alma tungkol sa Reproductive Health o RH Bill. Ani Alma, sang-ayon siya pero may “pero.”  Karen took it to mean na mayroong “reservations” si Alma sa isyu.

Sensing that Alma hardly understood kung anong ibig sabihin ng salitang “reservations,” tinagalog ‘yon ni Karen. Halatang nangangapa si Alma sa kanyang mga sagot, whose way of trying to evade the questions ay ang pagsasabing, ”Kailangan ko pa bang sagutin ‘yan?”

To which sa salitang Ingles (almost all throughout ay Ingles ang gamit ni Karen), walang kagatol-gatol na sagot ni Karen, ”Yes, because you’re running in the Senate!”

Si Alma ba—sa panayam na ‘yon—ang nagmukhang katawa-tawa dahil wala siyang maisagot?

Para sa amin, mas kinaawaan namin ang lantarang pamamahiya ni Karen sa kanyang guest gayong bilang host ay dapat nga niyang pangalagaan si Alma by asking questions that would not put her on the spot and worse, in a bad light.

Aware naman siguro si Karen sa mga limitasyon ng kanyang kaharap, ipamukha ba kay Alma ang kakapusan ng talino nito?

Naniniwala kami sa kasabihang (Ingles ‘to, Karen, ha?), ”All people may not be born with equal talents, but all people should be given equal opportunities to develop their talents.” (Tama ka riyan Ronnie, ganito rin ang pananaw ko na lantaran ang ginawang pamamahiya ni Karen kay Alma. Akala siguro ni Karen, porke mas marunong siyang mag-Ingles kay Alma, matalinong-matalino na siya, tsk tsk tsk—ED).

‘Yun lang!

HOT, AW! – Ronnie Carrasco III