Korina, humanga sa katalinuhan at sensiridad ni Daniel

NAGING viral sa social media ang video interview ni Daniel Padilla kay Presidentiable Mar Roxas kamakailan, ito ‘yung Tanong ni Daniel Padilla Para sa Kabataan. Bagamat may mga ‘di sumang-ayon, mayroon din namang mga natuwa.

Dahil sa video interview, may mga nagtatanong na netizens kung si Roxas daw ba ang sinasabing susuportahan ni Daniel sa darating na presidential election sa 2016? Wala pang sagot na ibinibigay si Daniel ukol dito kaya marami ang nag-aabang.

Kasunod naman ng interbyung iyon ay ang pag-post ni Korina Sanchez-Roxas sa kanyang Instagram account ng, “Went to Teen King Daniel Padilla’s beautiful house for his interview with husband Mar on several issues that kids today are wondering about like traffic, Yolanda, jobs, etc.

”I’m so impressed with Daniel. Matalino, nakatapak ang paa sa lupa, masipag, sincere—and so very cute, ha ha. Napakaganda ng pagpapalaki ng mommy ni Daniel sa kanya (Karla Estrada).”

Sa picture na naka-post, magkakasama sina Korina, Mike Planas (stepdad ni Daniel), Congressman Dan Fernandez, at Secretary Mar na may caption na, “Thank you, Daniel and Karla, for believing in Mar and giving him the chance to explain issues through you. Mahal namin kayo.”

SHOWBIZ KONEK – Maricris Valdez Nicasio