HATAW! D'yaryo ng Bayan hatawtabloid.com
SUPER dami na rin pala ang fans ni Darren Espanto. ‘Di ko alam kung kanino nanggaling ang tickets ng fans ni Darren gayong kaming mga taga-PMPC ay hanggang limang tickets lang ang ibinigay.
Win ng Album Cover Concepts and Design ang kanyang napakagandang album at siya rin ang itinanghal bilang Pop Album of the Year winner.
Kumanta rin si Darren at lalong umingay ang kanyang fans.
Ibinulgar ni Christian Bautista sa kanyang acceptance speech na cellphone lang ang kanyang ginamit sa video na The Way We Are lalo na ‘yung eksena nila ni Rachelle Anne Go na kinunan sa abroad.
Napaiyak naman si Glaiza de Castro nang tawagin ang kanyang pangalan bilang winner ng Female Rock Artist of the Year. After accepting her award, umalis kaagad si Glaiza with matching bodyguards, may flight pa raw siya, ewan ko kung saan siya pupunta.
Over naman ‘yung babaeng kasama ni Glaiza na nagkukunyapit talaga sa aktres papalabas ng venue kaya ni isa ay walang nakapagpakuha ng larawan kay Glaiza dahil parang hunyango na nakakapit ang babaeng kasama.
Ako ang nag-abot kay Sabrina ng trophy bilang Female Acoustic Singer winner. Very thankful si Sabrina at first time raw niyang makatanggap ng award. Pero teka, nakalimutan yata ni Sabrina na, siya ang itinanghal na Best New Female Recording Artist noon ng PMPC Star Awards For Music.
Kahit itanong pa niya kay Tita Sherbet Ilacad.
Puwede nang karerin nina Kim Chiu at Enchong Dee ang pagho-host.
Anyway, congratulations sa winners and see you next year.
MAKATAS – Timmy Basil
