Gov. Vi: Leni Robredo ina ng buong bansa

“KAILANGAN ng bansa ang ina gaya ni Leni Robredo!”

Ito ang deklarasyon ni Batangas Gov. Vilma Santos-Recto bilang suporta kay Robredo bilang vice presidential candidate ng Liberal Party sa isang pagpupulong na ginawa sa Lipa City kamakailan.

“Si Ma’am Leni isang lawyer, isang ekonomista. Kung may leaders tayo sa gobyerno na mga barako, ito iyong tinatawag nating mga providers. Ang providers, kailangan po andoon din ang ilaw,” wika ni Gov. Vi.

“Importante ang may pulso ng nanay. Kapag may touch ng pulso ng nanay, ito pong mangangalaga sa ating asawa’t mga anak. Bilang isang ina, alam po namin ang pulso’t pangangailangan ng buong pamil-ya” dagdag niya.

Ayon kay Gov. Vi, kaila-ngan ang pangangalaga ng isang ina, lalo na kapag pinag-usapan ang moral values ng mga Filipino na ngayo’y nawawala na.

“We need a touch of a mother at iyan po si Ma’am Leni,” wika ni Gov. Vi.

Paliwanag ni Gov. Vi, kung si LP presidential bet Mar Ro-xas ang magiging haligi ng bansa, si Robredo naman ang magsisilbing ilaw na gagabay sa sambayanang Filipino.

Bukod kay Gov. Vi, nagpahayag din ng suporta ang iba’t ibang nasyonal at lokal na opisyal mula Batangas, kabilang sina Sen. Ralph Recto, Cong. Sonny Collantes, Cong. Rannie Abu at Batangas Vice Gov. Mark Leviste.

Dumalo rin ang mga ma-yor, vice mayor, konsehal at board members mula sa iba’t ibang siyudad at munisipalidad ng lalawigan.