HATAW! D'yaryo ng Bayan hatawtabloid.com
UNLIKE Sarah Geronimo, matapang at tila salitang-patapos na ang tinuran ni Jessy Mendiola patungkol sa muli nilang break-up ni JM de Guzman.
“Nagkasundo kami. Dapat na kaming mag-pokus sa mga sarili naming career at buhay. Mas magiging functional and productive and focused po kami ‘pag ganoon,” sunod-sunod na pahayag ni Jessy.
Walang pangit na sinabi si Jessy hinggil sa break-up nila ni JM unlike the first one na talagang super deadma ito at ayaw magpahayag.
“Ever since naman po JM is a very special person. Napaka—passionate na tao, very talented, artistic at mabait. Mami-miss ko siguro ‘yung kakaiba niyang kasimplehan at sense of humor. Pero talagang ganoon eh. Hindi natin maipipilit kung hindi talaga. Hanggang doon na lang siguro,” dagdag pa ni Jessy.
Bongga ang karir ngayon ni Jessy. Bukod sa upcoming niyang soap naYou’re My Home na magsisimula na ngayong Lunes (Nov. 9), regular na rin siyang bahagi ng nagbago ring title na Banana Sundae na every Sunday na ring mapapanood.
From drama to comedy and sitcom, well..matatawag ngang balanse ang karir ngayon ni Jessy.
E usap-usapan din ang napaka-seksi niyang photos sa kanyangInstagram kaugnay ng Darna role na isa nga siya sa ipinu-push? Aba, kung matuloy din ‘yun e ‘di sexy-action pa ang hirit ng byuti ng niya! Kompleto na kaya wala nga sigurong puwang ang lovelife sa kanya.
AMBETIOUSLY – Ambet Nabus
