HATAW! D'yaryo ng Bayan hatawtabloid.com
MULING gumawa ng history si Alden Richards nang bumuhos na naman ang sandamakmak na fans sa Robinsons Place, Iloilo City at magpasara ng ilang kalsada roon.
Nakita namin sa Facebook account ni Ms. Marivin Arayata, GMA7 Vice President for Entertainment TV, ang report sa kanya ni GMA Asst. Vice President for Regional Operations na si Oliver Amoroso ang ilang pictures na nagpapatunay kung gaano karami ang taong dumagsa saKapuso Fans Day with Alden.
Ayon kay Amoroso, umaabot sa 50,000 katao ang nagtungo sa Robinson’s Place, ito’y ayon na rin sa local security and mall marketing ng naturang lugar.
Kitang-kita na nasa kalye na rin ang mga tao na nagnanais makita si Alden kaya naman kinailangan daw isara ang kalye para sa mga sasakyan at i-reroute ang byahe roon.
Naganap ang naturang show ni Alden sa Robinson’s Place noong Biyernes, November 6 na as early as 11:00 a.m. ay marami na ang nagtungo sa lugar. ”And stayed until the event was over. Some even camped out at Robinson’s Place grounds. You don’t see people at the other side of the city, no traffic or vehicles, as the people were all around Robinson’s. If I had goosebumps in Cebu (where Alden had a show last month), here in Iloilo, I am very, very amazed!,” sambit ni Amoroso.
Ayon pa sa report, dapat ay 5:00 p.m.pa ang fans day ni Alden subalit na-delay ang flight nito, kaya nakarating ito ng Iloilo ng 8:00 p.m. Na-delayed man, hindi raw nag-alisan ang mga tao at hinintay nila ang pagdating ng aktor.
At dahil inaasahan na ng Iloilo City government ang pagdagsa ng tao na manonood sa show, nag-issue na ang mga ito ng ordinance of traffic rerouting scheme, na closed to vehicular traffic ang kabuuan ng Paseo de Iloilo (back of Robinson’s) corner De Leon and Quezon Streets from 7:00 a.m. to 9:00 p.m. ng araw na iyon.
Narito ang mga larawan na nagpapatunay kung gaano karami ang dumagsa sa naturang lugar para lamang masilayan si Alden. Talagang Alden rocks Iloilo. Ibang klase!
ni Maricris Valdez-Nicasio
