Simpleng pamumuhay, sikreto ng pagsasama nina Mar at Korina

HINDI magarbo, bagkus simpleng pagdiriwang lamang ang ginawa nina Mar at Korina Roxas sa kanilang ika-anim na wedding anniversary.

Naikuwento ito ng isang kaibigang malapit sa mag-asawa at sinabing noong bisperas ng anibersaryo ng mag-asawa, Oktubre 26, isang tahimik at simpleng midnight snack na iniuwi ni Mar galing trabaho ang pinagsaluhan ng dalawa.

“Happy anniversary, honey! Look what I have,” sabi raw ni ni Mar na kinikilig na kuwento ni Korina sa aming kaibigan. Kaya pala kinikilig ay dahil dala nito ang pasalubong na gustong-gusto ni Ate Koring. Kasi naman daw, naalala rin nito ang ama niya na lagging nag-uuwi ng pasalubong sa kanya tuwing galing trabaho.

At sa araw ng kanilang anibersaryo, nagluto lamang daw si Korina ng katakam-takam at sikat na blueberry cheesecake bilang sorpresa kay Mar, habang pinadalhan naman siya ng kanyang mister ng malalaking dilaw na rosas.

Nakita nga namin ito sa official Instagram account ni Ate Koring na nag-post siya ng larawan nila ni Mar na kuha mula sa kanilang honeymoon sa Japan noong 2009. Kasabay din nito ang pag-post din niya ng pinakabago nilang larawan na may caption na pasasalamat sa Panginoon para sa anim na taon nila ni Mar sa masayang pagsasama.

“This was during our honeymoon in 2009 in Japan. I wish I could say life was simpler for Mar and me then. But life has never been simple for us, between politics and television. But time has passed by fast, and still, I seem to remember every moment,” ani Koring tungkol sa honeymoon photo. “Six years later, it might look even more complicated for us. But Mar and I have discovered the secret: simplicity is within both of us. True love should be simple. And it is what matters. Thank you Lord for our 6 years,” dagdag pa ni Korina na lubos ang kaligayahan.

SHOWBIZ KONEK – Maricris Valdez Nicasio