HATAW! D'yaryo ng Bayan hatawtabloid.com
LUMALABAS na incidental na lang ang character ni Michael V sa kalyeserye ng AlDub sa Eat Bulaga, too late to introduce another role player dahil Wally Bayola as Lola Nidora will always be the bida in the story.
At saka tama na ang ganitong papel para kay Bitoy, tutal, nagagampanan naman niya ito sa Bubble Gang bilang isang istrikta’t pakialamerang nanay sa social media addict na anak played by Sef Cadayona.
Kumbaga, Bitoy seems to be pushing his luck too far. Maanong ipaubaya na lang niya ang pagbabakla-baklaan sa mga mahuhusay ding gay portrayers, at ito nga ang napanagumpayan ni Wally.
Samantala, ang naturang kalyeseryeng binabatikos dahil sa kababawan ay umani ng parangal mula sa Catholic Mass Media Awards. Ito’y dahil sa Filipino values na naibabahagi ng kuwento na suportado rin maging ng mga paaralan.
Nagsalita na ang simbahan, kinatigan pa ng akademya.
Kung kababawan pa rin itong maituturing, hindi na namin alam kung anong panoorin o palabas sa TV ang malalim at dapat tangkilikin.
HOT, AW! – Ronnie Carrasco III
