HATAW! D'yaryo ng Bayan hatawtabloid.com
PORMAL na nagretiro si Luciano “Boy” Lapid bilang team manager ng Rain or Shine sa PBA.
Ayon sa kanyang kapalit na si Jay Legacion, nagpaalam si Lapid sa pamunuan ng Elasto Painters dahil sa kanyang matagal na iniindang sakit.
“Coach Boy suffered a stroke a few months ago at ang anak niya ang nagda-drive ng kotse going to the games,” wika ni Legacion.
Matagal na nagsilbi si Lapid sa Rain or Shine simula pa noong 1996 bilang head coach ng koponan noong nagsisimula pa ito sa Philippine Basketball League bilang Welcoat.
Pagkatapos ay naging team manager siya ng Elasto Painters mula 1997 hanggang 2006 at nang pumasok ang koponan sa PBA ay ito rin ang kanyang naging trabaho.
Nagtala ang ROS ng una nitong panalo sa pagsisimula ng PBA Philippine Cup pagkatapos na pulbusin nito ang Star Hotdog, 96-87, noong isang gabi sa Mall of Asia Arena.
(James Ty III)
