HATAW! D'yaryo ng Bayan hatawtabloid.com
PARA kay Mac Belo, hindi pa tapos ang laban ng Far Eastern University kahit nangunguna ang mga Tamaraw sa ginaganap na UAAP Season 78 men’s basketball tournament.
“Marami pa kaming dapat ayusin,” wika ni Belo pagkatapos na mapili siya bilang ACCEL Quantum/3XVI-UAAP Press Corps Player of the Week dahil sa kanyang pagdala sa FEU sa kartang walong panalo at isang talo.
Noong Oktubre 14, nagtala si Belo ng 12 puntos at 12 rebounds sa 68-57 na panalo ng FEU kontra University of the Philippines para sa ika-pitong sunod na panalo at maitabla ang University of Santo Tomas sa team standings.
“Ibang teams naga-adjust na, kaya kami dapat din mag-adjust,” ani Belo na nag-a-average ngayon ng 13.6 puntos at 6.2 rebounds bawat laro para sa FEU. (James Ty III)
