BI employees nakakita ng ‘liwanag’ kay Justice Ad Interim Secretary Alfredo Benjamin Caguioa
Jerry Yap
October 19, 2015
Bulabugin
TILA nagkaroon daw ng kaluwagan ang isip at parang nakasamyo sila ng sariwang hangin (kahit katabi nila ang maburak na Ilog Pasig) ang mga empleyado ng Bureau of Immigration (BI) nang mabalitaan nilang itinalaga na ni Pangulong Noynoy si dating Chief Presidential Legal Counsel Alfredo Benjamin Caguioa bilang ad interim Secretary of Justice.
Siya ang kahalili ni Madam Leila De Lima sa Department of Justice (DOJ) na tumatakbo namang senador sa ilalim ng Liberal Party.
Ayon sa mga empleyado ng BI, sana raw ay good riddance ang pagtakbo ni Madam Leila. Kasi naniniwala umano sila na si Ad Interim Secretary Caguioa ay magtatrabaho nang walang kinikilingan.
Sana raw ay mabusisi ng bagong kalihim ‘yung mga kaduda-dudang lifting order ng mga notorious foreigner sa Blacklist.
‘Yung napakaluwag na pag-iisyu ng visa-for-a-fee at quota visa at higit sa kahat ang kaduda-dudang hiring ng 200 Immigration Officers (IOs) na mukhang minadyik umano para umabot kay madam Leila bago siya mag-resign.
Meron kasing mga report na kahit lagapak sa qualifying exam at interview ay pilit pa rin ipinasok sa listahan ng 200 IOs.
Kaya nga raw nag-resign si Atty. Roy Ledesma as personnel selection board chairman ‘di ba?
At mukhang sinuwerte naman si Immigration Commissioner Siegfred ‘greencard’ Mison dahil napirmahan pa umano ang mga idiniga niyang hiring of 200 IOs.
Ang haba naman ng suwerte mo, ‘shoot & dribble’ ‘este’ Freddie Boy?!
Mukhang marami ring naisabit si Mison sa 200 IOs na ‘yan para pagbigyan ang request ng kanyang lady friend?
Magtrabaho naman kaya nang tama ‘yang mga nailusot ni Mison o magpapakuya-kuyakoy lang?!
By the way, ano na kaya ang nangyari sa mga empleyadong pinersonal at pinahirapan ni Commissioner Mison? ‘Yung ipinatapon doon sa malalayong lugar dahil hindi niya kursunada?
Sana lang ay mabusisi rin ‘yan ni newly appointed Secretary Ben Caguioa…
Para sa mga reaksiyon, suhestiyon, reklamo at sumbong, magtext sa 0927.590.91.27 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com
HATAW! D'yaryo ng Bayan hatawtabloid.com
