HATAW! D'yaryo ng Bayan hatawtabloid.com
ISANG advocacy movie ang Upline Downline na pinagbibidahan nina Matt Evans, Ritz Azul, at Alex Castro. Ito’y produce ng ANPO (Alliance for Networkers of the Philippines Organization) ni Mr. Jay-Ar Rosales at sa direksyon ni katotong George Vail Kabristante.
Tinaguriang first networking movie sa Filipinas, makabuluhang pelikula ito lalo sa mga gustong sumabak sa negosyong networking na usong-uso ngayon. Makikita sa pelikula kung paano makaiiwas sa scam sa networking at kung paano magiging maunlad. Ayon sa isa sa stars ditong si Alex, tinanggap niya ang pelikula dahil nagustuhan niya pagkatapos mabasa ang script. “Napapanahon kasi ang pelikula, about sa networking business at kung paano naloko ang mga sumasali rito. Makikita rin kung paano sila umunlad.” Sinabi ni Joseph Lim na AIM Global’s Hall of Famer at isa sa gumanap dito, na makikita rin sa pelikula kung ano ang puwedeng gawin ng mga nabiktima ng scam at paano makaiiwas sa scam. Sa puntong ito, kaagapay at matutulungan sila ng ANPO. Pa-labas na ang Upline Downline sa October 28, 2015 at magkakaroon ng premiere night sa October 27 sa SM Megamall, 7 pm. Bukod kina Matt, Ritz, at Alex, ang iba pang bituin ng Upline Downline ay sina Rez Cortez, Ynez Veneracion, Snooky Serna, Juan Rodrigo, Jojo Alejar, at Jaiho.
ALAM MO NA! – Nonie V. Nicasio
