HATAW! D'yaryo ng Bayan hatawtabloid.com
COLOR them pink!
Which is the color of love! At nakadagdag pa ‘ata na namayani ang kulay rosas sa venue ng The PreNup nina Jennylyn Mercado at Sam Milby for Regal Entertainment.
Walang problema! Sobra-sobra yata ang kemistri ng dalawang idinirehe niJun Robles Lana sa mga romantikong sulok ng New York, USA.
Marami na ring couples ang sumasailalim sa pre-nuptial agreement sa panahon ngayon kaya pasok sa banga ang tema ng romance-comedy na may gay couple na involved na gagampanan nina Gardo Versoza at Dominic Ochoa.
Kung napaliwanagan tayo sa history sa buhay ng isang Heneral at nabuksan ang mata at isip ng nakalugar sa buhay ng mistress at misis, sa The PreNup naman eh, ang pros and cons ng isang kasunduang isip at puso pa rin ang magdedesisyon.
Ang dalawang bida, kahit nagsusumigaw na ang mga kilos sa pagiging sweet sa kanilang simpleng “landian”, hindi pa rin makahirit ng deretsahang sagot kung may ligawan na bang nagaganap.
Ang Sam, ayaw isipin ng tao na liligaw siya dahil kasama niya sa pelikula. Kaya in the waiting kumbaga.
Ang Jennylyn naman, nang may magkomentong baka naman daw dahil may Dennis Trillo na napapabalitang boyfriend niya kaya hindi rin siya makaamin eh, buong ningning na kinompirmang hindi niya syota ang aktor. At halos manlaki ang mga mata sa pagsasabi niyon, ha!
Cute naman ang mga eksena nila sa pelikula na marami raw matutunghayang halikan sa mga eksena nila.
Ang aminadong torpe pagdating sa panliligaw sa tunay na buhay na si Sam, sinabing isa sa mga kissing scenes na ‘yun ang hindi niya makakalimutan sa mabait, masarap kasama, at kaligaw-ligaw na dalagang inang ang haba ng buhok eh, abot hanggang Staten Island sa tuktok ng estatwa ni Liberty!
HARDTALK – Pilar Mateo
