HATAW! D'yaryo ng Bayan hatawtabloid.com
SA Nobyembre magsisilang si Marian Rivera ng first baby nila ni Dingdong Dantes na isang baby girl.
Ang latest tungkol sa pagbubuntis ni Marian ay may naisip na raw silang ipapangalan. They will name her Maria Letizia. May Leticia raw kasi ang pangalan ng lola ni Dingdong samantalang Leticia rin ang pangalan ng kapatid ni Marian.
Dinagdagan na lang nila ito ng Maria at iniba ng kaunti na imbes na C ay ginawang Z para maging modern.
Okey din ang Maria Letizia, ‘di ba mayroon tayong ambassador dati na ang pangalan ay Leticia Ramos Shahani (kapatid ni dating pangulong Fidel Ramos?).
Sa PMPC naman ay mayroon kaming Manay Letty Celi.
Naku, November na pala magsisilang itong si Marian. Hmmm…. sana November 5 para ka-birthday ko, hehehehe.
Sa totoo lang, marami na talaga ang excited na makita ang unang supling nina Dingdong at Marian. Since guwapo at maganda kapwa ang dalawa, inaasahang napakaganda rin ng magiging anak nila.
At siyempre ang susunod na aantabayan ay kung papasukin din ba ni Maria Letizia ang showbiz balang-araw.
MAKATAS – Timmy Basil
