Praning ba si Comelec Commissioner Christian Robert Lim?!

MUKHANG nagkamali ng pagtatalaga ang Malacañang kay Election Commissioner Christian Robert Lim sa Commission on Elections (Comelec).

Parang dapat ‘e sa ISAFP o kaya ‘e sa Foreign Affairs siya itinalaga.

Aba, mantakin ninyong magpapagawa lang ng 93,000 Optical Mark Readers (OMR) na nagkataong imamanupaktura sa China ‘e naisip pang isasabotahe daw ang ating eleksiyon sa Mayo?!

Praning ka ba, Commissioner Lim?

Anong conspiracy fiction novel ba ang binabasa mo at napaka-illogical ng takbo ng utak mo?!

Ang trabaho ninyo sa Comelec ‘e ihanda ang election sa Mayo 2016.

Trabaho ng ISAFP ‘yang naglalaro sa tuktok mo.

Mukhang hindi naiintindihan ni Commissioner CR Lim ang kanyang gawain at tungkulin sa Comelec.

Ano ang pakialam ng China sa election nag Filipinas?!

Masyado yatang napapraning si Commissioner CR Lim.

O utak-pulbura lang siya, kaya ang naiisip ay giyera at conspiracy theory?!

Hindi pa nga kasagsagan ang trabaho sa Comelec ‘e napapraning na ang isang Commissioner d’yan… buhusan ninyo ng malamig na tubig o kaya ay paliguin ninyo umaga at at gabi para laging nahihimasmasan…

Wahahahahaha!

Comelec Chairman Andres Bautista, mukhang natutulog nang gising ‘yang isang bata mo riyan…

Baka isang tanghaling tapat ‘e makakita ‘yan ng buwan, patay tayo d’yan!

Sino ba ang boss ni Secretary Edwin Lacierda?!

KANINO bang spokesperson si Secretary Edwin Lacierda?

Naitatanong po natin ito, dahil napapansin natin na panay ang pagtatanggol ni Secretary Lacierda sa Liberal Party.

Nakalilimot yata si Secretary na iba ang LP at iba ang Malacañang.

Nagkataon lang na, ruling party ngayon ang LP pero hindi nanganghulugan na maglingkuran si Lacierda sa partido ng Pangulo.

Dahil ikaw ay tagapagsalita ng Malacañang at ng Pangulo, mas nararapat na ang pagtuunan mo ng pansin, Secretary Lacierda ay magagandang balita para sa bayan.

‘Yan ay kung may magandang balita kang sasabihin.

Baka yan ang dahilan kung bakit lagi ka nang nakasawsaw sa LP, wala ka kasing maibalitang maganda para sa bayan?!

Baka lang naman…

Gising-gising lang Secretary Lacierda, hanggang Mayo pa ang trabaho mo sa Malacañang… serve better for the people and not for a political party alone…

Pwede ba ‘yun?!

In short, sulitin mo ang pasuweldo sa iyo ng sambayanan!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com