Marion, patuloy sa paghataw ang career!

KALIWA’T-KANAN ang exposure lately ni Marion. Matapos siyang maging front act ng sikat na Canadian singer na si Carly Rae Jepsen sa katatapos lang na concert nito sa Araneta Coliseum, sumunod ay napanood ko naman ang talented na anak ni Ms. Lala Aunor na nag-guest sa Umagang Kay Ganda sa ABS CBN.

Nang naka-chat ko si Marion kamakailan, inusisa namin siya kung ano ang na-feel niya sa pagiging in-demand niya ngayon to the point na naging front act pa siya ng isang internation singer.

“Masaya po, successful naman po yung show. Mukhang nag-enjoy naman yung mga fans ni Carly sa set ko and I also got to meet her so very happy ako.”

Paano mo ide-describe si Carly, fan ka ba niya? “Yes, fan po ako ni Carly especially since singer songwriter din siya. Super catchy din po kasi songs niya, nakaka-LSS. So blessing po talaga na na-meet ko siya and nakapagpa-picture pa, ha-ha-ha! She’s very nice.”

Paano ka napasali sa concert? Parang biglaan yata? “Yes, parang biglaan din po. Nag-inquire na po sila dati, waiting for confirmation from Carly’s manager noong time na yun, two days before lang talaga na confirm. Then noong nalaman ko na ako yung front act, super excited syempre.”

Ngayon ay naghahanda na ang singer/composer/actress para sa promo ng kanyang album na pinamagatang Marion. Nagpasalamat din siya kay Kathryn Bernardo dahil sa post ng Teen Queen sa kanyang blog hinggil sa album ni Marion.

“Grateful din ako na tinulungan ako ni Kathryn na i-promote yung album and the song through her blog.”

Sa ngayon ay marami nang naghihintay sa second album ni Marion sa Star Music. Actually pati kids ko ay excited na rito lalo na nang nalaman nilang ang You Dont Know Me na kasali rin sa album ni Katrhryn, ay parte ng second album ni Marion.

Naniniwala ako na magiging hit ang album na ito ni Marion base sa mga cuts dito na napakinggan ko na. More power to you, Marion!

ALAM MO NA! – Nonie V. Nicasio