HATAW! D'yaryo ng Bayan hatawtabloid.com
NAKAHUNTAHAN ko ang masipag na singer/comedian na si Mojack Perez at ang may-ari ng Bangis FM na si Jonash ‘Nash’ Marcos na sinabing itinayo niya ang Bangis FM dahil sa hangaring tumulong.
“Itinayo namin yung Bangis FM to help street kids hanggang sa nakilala ng ibang OFW sa ibang bansa, hanggang nag-click. Pagkatapos, tuloy-tuloy pa rin ang pagtulong namin sa mga bata, kasi yun ang main goal namin. Before nakabase siya sa UAE pero ngayon nasa USA na ang Bangis FM. Yung co-DJ ko kasi parang business partner kami sa Bangis. Si Charlie Potato is my co-DJ.
“Iyong mga OFW kasi is homesick, kaya ang mga OPM song, ipino-promote namin. Etong Bangis, 24 hours ito at may mga DJ’s kami iba-ibang bansa like sa Israel, Saudi Arabia, sa Dubai, at sa US. Online radio station siya to be exact.
“Tumutulong sa amin ang mga OFW, kapag alam nilang magbibigay kami kunwari we’re going to Malate or Baywalk, magdo-donate sila. Iyong mga bata binibigyan namin sila ng goods kagaya ng bigas, de lata…,” saad ni Nash.
Sa panig naman ni Mojack, nasabi niyang siya ang first artist sa Bangis FM na kinompirma naman ni Jonash. “Guest lang po ako sa kanila pero phone patch lang ang pag ere namin with interview sa akin. Sumasama rin ako sa kanila, tinutulungan namin yung mga bata na street children at kahit matanda. Ngayon, pinag-uusapan namin ang gagawing project ng pagtulong sa mga tao.”
Naikuwento rin ni Mojack na open na rin ang kanilang 92.7 Brigada News FM sa Pampanga at ang kanyang kagalakan sa pagiging bahagi ng Brigada 104.7 FM. “Every Sunday po sa Brigada News FM mapapakinggan ako from 3 to 6 pm sa programa kong Magpa MP na! Ang Brigada ay naririnig Nationwide hindi lang nationwide kundi buong mundo dahil may live streaming po kami dito sa link na www.brigada.ph
“Masaya ako as a DJ dahil nakakausap ko ang mga taong dati napapanood lang ako sa stageshow. Ngayon, may chance na nila akong makausap ng live sa pamamagitan ng Brigada at napapasaya ko pa sila at nabibigyan ko ng chance na batiin nila ang kanilang mga love ones all over the globe.”
ALAM MO NA! – Nonie V. Nicasio
