Amazing: Seal nag-enjoy sa belly rub

SA 2014 video, mapapanood ang isang seal na nag-e-enjoy habang kinakamot ang kanyang tiyan ng isang diver.

Sa underwater footage ay makikita ang diver na si Gary Grayson kasama ang Atlantic gray seal sa Great Britain’s Scilly Isles, ayon sa video’s description sa YouTube.

Ang mabait na seal ay lumangoy patungo kay Grayson habang tinatapik ng kanyang ‘flippers’ ang lalaki bago gumulong para ilantad ang kanyang tiyan. Tumugon naman ang diver at kinamot ang tiyan ng seal.

Bagama’t cute ang nasabing video, hindi ito dapat gayahin ng scuba drivers. Ang video ay kuha sa lugar na ang mga seal ay sanay na sa mga tao, at hindi ganito sa ibang lugar.

“[The seal] is part of a colony where divers dive on a regular basis and so the seals have become, obviously, very used to people and allow them very close,” pahayag ni Ally McMillan, director ng Seal Rescue Ireland, sa County Wexford, Ireland, sa The Huffington Post, sa kanilang email.

“Not all seals are like this, and if approached could well cause harm if they feel threatened due to their large size and very sharp teeth.”

“Wildlife are better off being left wild,” aniya pa. (THE HUFFINGTON POST)