HATAW! D'yaryo ng Bayan hatawtabloid.com
KILIG mini-series!
Ito na nga ang nangyayari sa Wattpad Presents… ng TV5.
Kaya nga lahat ng palabas na istorya sa serye eh, hindi nawawalan ng followers.
Nagsimula ng August 31 ang susubaybayan this week naBebeng Pabebe Meets Super Jiro na susubok naman sa teamup nina Ella Cruz at AJ Muhlach.
Natanong namin ang unang nakapanayam namin nang ilunsad siya as Viva artist na si AJ kung hindi ba siya nanghihinayang na hindi nag-take off ang loveteam nila ni Nadine Lustre. Pero with James Reid pumailanlang ito.
Sa mga karakter na lang ba na gaya rito sa Wattpad siya aalagwa?
“Tanggap ko naman po na there are things na meant to be and not meant to be. Ang importante, we remain to be good friends up to now. Hindi man madalas magkita pero we know na we are thankful pa rin for those times na nagkasama kami sa ilang projects. Nagkatulungan. And now it’s her time to be where she is. Kung hindi man kami nag-click, sabi ko nga po hindi ko ‘yun ikasasama ng loob. Maybe hindi pareho ang direction namin. Ako steady lang. And happy with the projects given to me. I am also part of the ‘Felix Manalo’ movie. I portray the character of Ka Erdie Manalo.”
At nag-convert na pala sa INC si AJ. At ang dati niyang girlfriend ang dahilan. Pero kahit wala na sila, gusto na rin daw niya ang teachings sa Iglesia.
Aliw siya sa role niya as a superhero. Na kakulitan ang pabebe karakter ni Ella.
If he could be a super hero ang gusto raw niyang power eh ‘yung mako-control ang isip o utak ng sanlibutan. To do good siyempre!
Kiligin sa pagkikita ng pabebe at ang pinapangarap niyang super hero! This week lang ‘yan!
HARDTALK – Pilar Mateo
