Panaginip mo, Interpret ko: Mag-inang Virgo may green snake

Hello po Señor H,

Pwede pong mgtanong kung anu ibig sabihin ng panaginip ng mama ko na may alaga daw po akong ahas na kulay blue. Paki-explain nmn po kung anu paniniwala nyo. Thanks Virgo po ako Sept. 9, 1988 at si mama ko Sept 10 nmn po. (09091481537)

To 09091481537,

Ang panaginip na hinggil sa ahas ay may kaugnayan sa mga nakatagong takot at pag-aalala na nagkakaroon sa iyo ng malaking epekto. Maaaring ito ay babala na may padating na bagay na hindi mo pa alam dahil hindi pa ito lumulutang, subalit mayroon itong malaking koneksiyon sa iyo, kaya dapat kang mag-ingat sa sarili o sa pinansiyal na bagay. Alternatively, ang ahas ay maaari rin namang simbolo ng temptation, at ng dangerous at forbidden sexuality. Kung natakot sa napanaginipang ahas, ito ay maaaring nagsasaad ng pangamba ukol sa sex, intimacy o commitment. Maaari rin namang ang ahas sa panaginip ay may kinalaman o may kaugnayan sa mga tao sa paligid mo na hindi mo pa lubos na kilala at hindi dapat pagkatiwalaan. Sa positibong persepsiyon, ang ahas ay nagre-represent ng healing, transformation, knowledge, at wisdom. Ito rin ay nagsasaad ng self-renewal at positive changes. Dahil ang mama mo ang nakapanaginip na may alaga kang ahas, posible rin namang nagpapahiwatig ito na may taong hindi dapat pagkatiwalaan at mas mabuti kung iiwasan.

Señor H.