HATAW! D'yaryo ng Bayan hatawtabloid.com
TINAWAG ang ating pansin ng ABS-CBN para igiit na hindi raw totoong tatapusin agad ang panghapong teleserye na nagtatampok sa pagbabalik ni JM de Guzman, ang All of Me.
Anila, lahat naman ng programa ay nagkakaroon ng mga problema pero tiniyak nilang matatapos ito sa panahon na dapat matapos ang kuwento.
Maganda ang istorya ng All of Me kaya imposible raw tsugiin agad ito lalo’t pinakapinanonood na afternoon teleserye ito sa buong bansa na nakakuha ng national TV rating na 18.4%, base sa datos ng Kantar Media noong Lunes (Agosto 31), nang mag-pilot ito.
Ayon pa sa ABS-CBN, anim na puntos ang lamang ng All Of Me laban sa katapat nitong programa sa GMA naBuena Familia na mayroong lamang 12.8%.
Pasok din ang tinaguriang mystical serye sa ikasampung puwesto sa listahan ng pinakapinapanood na programa sa buong bansa noong Agosto 31. Bumuhos din ang maraming tweets tungkol sa All Of Me gamit ang hashtag na #AllOfMeAngSimula na naging trending topic nationwide sa Twitter noong Lunes.
Tampok din sa All Of Me sina JM De Guzman, Albert Martinez, Yen Santos, Aaron Villaflor, Neri Naig, Ana Capri, Micah Munoz, Jordan Herrera, Sue Ann Ramirez, at Akira Morishita.
SHOWBIZ KONEK – Maricris Valdez Nicasio
