HATAW! D'yaryo ng Bayan hatawtabloid.com
KAHIT nag-aartista na rin ngayon ang talented na singer-songwriter na si Marion Aunor, sinabi niyang hindi raw niya mapapabayaan ang career sa music.
“Hindi naman po siguro. I think puwede namang pagsabayin iyon. Marami namang artists ngayon ang pinagsasabay yung singing and acting,” wika ni Marion.
Katatapos lang gumawa ng indie movie ni Marion. Pinamagatang Tibak, mula ito sa panulat at pamamahal ni Direk Arlyn dela Cruz.
“Tungkol po ito sa life story ni Joma Sison at sa mga kasamahan niya. Ang bida po rito ay si Jak Roberto. Ang role ko po rito ay isang beauty queen-turned activist,” sabi pa ng dalaga ni Maribel Aunor.
Bukod sa pagiging singer/aktres, ginawan na rin ng kanta ni Marion sina Kathryn Bernardo at Alex Gonzaga. Pati sa bagong album ni Erik Santos ay may komposisyon din si Marion.
Sinabi rin niya ang iba pang artists na gusto niyang gawan ng kanta, kung puwede.
“Gusto ko iyong super-legendary people like si Ms. Regine Velasquez. Although nandyan na si Sir Ogie (Alcasid). But if they want fresh new sounds, then, sana ay mabigyan ako ng chance.
“Challenge sa akin kung magagawan ko rin ng kanta si Charice. Feeling ko.”
Kung maging okay na ‘yung voice ng Tita Guy niya, willing ba siyang igawa ng kanta ang Superstar? “Of course, I’d love to work with her!”
Ano’ng kanta kaya ang bagay sa Tita Guy niya? “I don’t know, maybe I want something na parang touching. Na pang-family, feeling ko ay magandang concept yun.
“Pero hindi ko pa nae-expound ‘yung idea. Pero feeling ko if ever, kapag nag-sit down na kami together, baka ma-feel ko ‘yung kanta na bagay talaga sa kanya.”
Nabanggit din niya kung gaano siya kasaya ngayon sa kanyang career. “Super happy! Parang nakikita ko na marami nang things that are about to happen, na parang waiting na lang and it’s almost there.
“Parang after the last two years na working hard for it, parang ngayon ay talagang ready na ako and just waiting for that big moment.
“And excited po talaga ako sa new album ko sa Star Music. Plus, magka-show locally and internationally. Then, gusto ko pang makapagsulat ng maraming kanta,” pagtatapos ni Marion.
ALAM MO NA! – Nonie V. Nicasio
