Ejay Falcon, pinabilib ang producer ng Homeless

SINABI ni Ms. Baby Go, producer ng indie advocacy film na Homeless na hanga siya kay Ejay Falcon. Magaling daw ang Kapamilya actor at marunong maki-sama.

“Magaling na artista si Ejay, masarap makasama at mabait. Wala siyang arte at okay katrabaho. Kapag sinabing take na, shooting na, trabaho na siya. Professional din siya at naka-focus sa trabaho.”

Posible bang sa next project ninyo ay makasali ulit si Ejay? “Oo naman, posible iyon,” saad pa ng tinaguriang Reyna ng Indie at Advocacy films.

Dagdag pa ni Ms. Baby, “Pati sina Snooky Serna, Dimples Romana at iba pa, magagaling silang artista kaya naging maayos ang shooting namin.”

Pagdating naman sa pelikula nila, nagbigay siya ng kaunting background sa Homeless.

“Siyempre na-touch ako sa movie, kasi ito ay about calamity at mga street children. Iyong mga taong biktima ng kalamidad na pinagsamantalahan pa ng sindikato.

“May mapupulot silang aral dito, na kahit maraming pagsubok, dapat ay hindi sila nawawalan ng pag-asa. Si Ejay, talagang hindi siya bumitaw dahil mahal na mahal niya ang kanyang pamil-ya,” pahayag pa ni Ms. Baby.

Ipalalabas na ang advocacy film na Homeless sa August 26 na pinagbibidahan din nina Martin del Rosario, Ynna Asistio, Chokoleit, Hayden Kho, Rico Barrera, Mico Aytona, at iba pa. Ito’y mula sa pamamahala ni Direk Neal ‘Buboy’ Tan.

ALAM MO NA! – Nonie V. Nicasio