13-anyos totoy utas sa kidlat (1 pa malubha)

PATAY ang isang 13-anyos na binatilyo habang malubha ang kalagayan sa pagamutan ang 9-anyos niyang kalaro makaraang tamaan ng kidlat habang naglalaro sa labas ng kanilang bahay sa Valenzuela City dakong 3 p.m. kamakalawa.

Agad binawian ng buhay si Jews Dagdang habang ginagamot sa Valenzuela Medical Center si Miguel Viray, kapwa residente  ng Brgy. Isla ng nasabing lungsod, sanhi ng pagkasunog ng katawan makaraan kapwa tamaan ng kidlat.

Naliligo ang dalawa at naglalaro sa kasagsagan ng ulan kasama ang nakababatang kapatid ni Dagdang nang tamaan ng kidlat ang mga biktima.

Bago tamaan ng kidlat ay nagawang maitulak ni Dagdang ang kapatid kaya hindi nadamay sa insidente.