Naliligong ginang kinuhaan ng video bosero kalaboso

NAGHIHIMAS ng rehas na bakal ang isang 21-anyos lalaki makaraan mahuli sa akto habang kinukuhaan ng video ang magandang ginang na hubo’t hubad na naliligo sa Navotas City kamakalawa ng hapon.

Kinilala ang suspek na si Ramir Andres, ng 417 Road 10, Brgy. North Bay Boulevard North ng lungsod, nahaharap sa kasong paglabag sa R.A. 9995 o Anti-Voyeurism Act.

Batay sa ulat ng pulisya, dakong 5:30 p.m. nang mangyari ang insidente nang bosohan ng suspek mula sa bintana ang biktimang si Grace, 35, habang naliligo.

Salaysay ng ginang, napansin niya ang isang puting cellphone na nakalawit sa siwang ng bintana ng kanilang banyo kaya agad siyang nagtapis at humingi ng tulong sa kanyang mister.

Hindi nakapalag ang suspek nang hulihin ng taong bayan at nang suriin ang cellphone ay nakitang naka-record ang ginang habang naliligo sa loob ng banyo.