HATAW! D'yaryo ng Bayan hatawtabloid.com
NAGSIMULA na kahapon si Chito Narvasa bilang bagong komisyuner ng Philippine Basketball Association.
Noong Sabado ay dumalo si Narvasa sa pagbubukas ng bagong season ng Cebu Schools Athletic Foundation Inc. sa New Cebu City Coliseum.
Ang CESAFI ay ang ligang pinanggalingan nina PBA back-to-back MVP June Mar Fajardo ng San Miguel Beer at Greg Slaughter ng Barangay Ginebra San Miguel.
”Cebu has the most competitive league outside of Manila and it has produced a lot of exceptional players. There’s June Mar Fajardo right here who’s the league MVP, and in the past I’ve coached Jojo Lim, Peter Naron and Boy Cabahug,” wika ni Narvasa sa kanyang talumpati. “I expect many more to join very soon.”
Dating coach si Narvasa sa PBA para sa Shell at Purefoods bago siya nakuha bilang kapalit ni Chito Salud na magiging pangulo at CEO ng liga.
Ang PBA Rookie Draft sa Agosto 23 ay ang unang aktibidades ni Narvasa bilang komisyuner at bago nito ay sasama siya sa board of governors ng liga sa Japan sa Agosto 7 para sa kanilang board meeting doon. (James Ty III)
