Blackwater ‘di na papasok sa trade

NANGAKO ang team owner ng Blackwater Sports na si Dioceldo Sy na hindi na siya papasok sa mga trades bago ang PBA Rookie Draft sa Agosto 23.

Kinuwestiyon ng ilang mga kritiko ang pag-trade ng Elite sa first round draft pick nito sa Talk n Text kapalit ni Larry Rodriguez na hindi masyadong binabad sa court noong huling PBA season.

Bukod pa rito, itinapon ng Blackwater ang guwardiyang si Brian Heruela sa Barako Bull kapalit ni Carlo Lastimosa.

“We will be holding on to our draft picks for the next two to three years,” wika ni Sy. “We will not trade any of our draft picks. We will concentrate on building the team.”

Tungkol sa draft, sinabi ni Sy na kursunada ng Blackwater ang Fil-Am na si Maverick Ahanmisi ng Cafe France na nagkampeon sa PBA D League Foundation Cup noong Hunyo.

“Sana available pa siya by then,” ani Sy. “We need younger blood. We would like to wait after the draft to see what our adjustments are going to be.”

(James Ty III)