Marc Cubales, patuloy ang charity works sa Montalban, Rizal

LAGING aktibo pa rin si Marc Cubales sa pagtulong sa mga nangangailangan. Kamakailan lang ay nagkaroon sila ng feeding program sa Montalban.

Ayon kay Marc, masaya siyang maging parte ng Rotary Club dahil pareho sila ng layunin, ang makatulong sa mga tao.

“It’s a joint program ng PNP at Rotary Clu dito sa Montalban headed by our president Dan Nocon. Two months pa lang akong active sa Rotary and I don’t hold any position at all, bale regular member lang ako. I realize na this group of people is fun to be with, halo-halong tao with the same goal, ang makatulong sa abot ng makakaya,” esplika ni Marc.

Pagdating naman sa kanyang pagsabak sa politika, sinabi ni Marc na natutuwa siya dahil full support ang kanyang pamilya sa adhikain niyang ito. Pero nilinaw niyang hindi pa sure kung kakandidato siyang Konsehal sa susunod na eleksiyon.

“While I’m still thinking and a bit confuse kung tatakbo talaga ako this coming election, I decided to cut off temporarily, my connections with politics. Fifty-fifty pa rin talaga kahit na may nag-alok na sa akin to joined their team. Alam ko naman na maraming susuporta sa akin sa kung ano ang desisyon ko specially now that my clan from UK will help me with whatever decision I prefer.

“So who knows, I will run this year while preparing to finally finish an album. Ganoon ka-supportive ngayon ang family and friends ko sa akin. Siguro nga they do miss me dahil nanahimik din talaga ako and I did enjoy the last three years with holidays and party. But I’m getting old so, iba na siguro yung Marc na makikita nila ngayon,” nakangiting saad pa niya.

Si Marc ay dating model na lumaki sa Manchester, United Kingdom. Kilala siyang pilantropo at aktibo sa showbiz events.

ALAM MO NA! – Nonie V. Nicasio