HATAW! D'yaryo ng Bayan hatawtabloid.com
TINALO ng Blackwater Sports ang Las Piñas All-Stars, 98-83, sa isang exhibition game noong Huwebes sa Starmall Alabang gym sa Muntinlupa.
Nagsanib sina Robby Celiz at Raffy Reyes para sa Elite na nagbalik-ensayo sampung araw pagkatapos na maaga silang nagbakasyon mula sa PBA Governors’ Cup.
“This is part of strengthening the team,” wika ni Blackwater team owner Dioceldo Sy. “It’s one way for Ever Bilena and Blackwater in giving back to the community. We found out that this no-to-drugs campaign is good for the current situation where instead of the people be into drugs, they’ll be more aware of sports.”
Idinagdag ni Sy na sasali ang Blackwater sa isang invitational tournament sa Malaysia mula Agosto 28 hanggang Setyembre 6 bilang bahagi ng paghahanda ng Elite para sa bagong PBA season na magsisimula sa Oktubre.
Nangulelat ang Blackwater sa huling PBA season kung saan apat na panalo lang ang naitala ng Elite sa tatlong komperensiya ng liga.
(James Ty III)
