HATAW! D'yaryo ng Bayan hatawtabloid.com
MAY in December!
Isang matinding istorya ang ihahatid ng MMK (Maalaala Mo Kaya) ngayong Sabado (Agosto 1) dahil sa nagka-ibigang malayo ang agwat ang edad ang gagampanan nina Tanya Garcia at Yves Flores bilang sina Ruby at Engel.
Trenta’y uno na si Ruby nang mahulog ang loob sa kanya ni Engel at nagkabunga pa ito. Pero kaakibat ng pagmamahalang iyon ang mga pagsubok.
Sa paglalim ng kanilang pagkakaibigan, hindi napigilan nina Ruby at Engel na mahulog sa isa’t isa sa kabila ng pagkakaroon ng malaking pagkakaiba ng kanilang mga edad. Ngunit mas susubukin ang pag-iibigan ng dalawa nang nabuntis si Ruby at napilitan si Engel na tumigil sa pag-aaral para harapin ang responsibilidad bilang isang batang ama.
Tunghayan sa kuwento nina Ruby at Engel kung paano pinatatag ng mga pagsubok ang kanilang pag-iibigan at kung paano nila ipinaglaban ang kanilang relasyon mula sa kanilang mga pamilya at kaibigan na hindi sang-ayon dito.
Kasama sa nasabing episode sina Carla Humphries, Tanya Gomez, Allan Paule, Snooky Serna, Ronnie Quizon, Denise Joaquin, Patrick Sugui, at Jon Lucas. Ito ay sa ilalim ng direksiyon ni Nick Olanka at panulat ni Benson Logronio.
Tunghayan ang mga aral na ihahatid ng kuwento ng #MMKMyBagitoLover.
HARDTALK – Pilar Mateo
